Irudikak Varya Yakovleva iragarri du ilustrazioaren kategorian, eta Rocío Álvarez animazio grafikoaren kategorian, 2026an bere egoitzetarako hautatutako artista gisa. Artistek martxoaren 3tik maiatzaren 22ra bitartean Angoulême (Frantzia), Zapopan (Mexiko) eta Bilboko espazio artistikoetan antolatutako egonaldi batean lan egin ahal izango dute beren proiektu artistikoetan, eta Gasteizen erakusketa batekin amaituko da.
Epaimahaiak Varya Yakovlevaren “Diary of an alien” proiektua hautatu zuen, batetik, “obra intimoa, emozionala eta ehunduraz betea izateagatik” eta, bestetik, “erbesteari buruzko eta sexu-esperientzien bidez integratzen saiatzeari buruzko helduentzako liburu irudidun bat proposatzeagatik”. Era berean, Rocío Álvarezen “Me resbala” proiektua arrazoi honengatik aukeratu zuten: “teknika analogikoak eta digitalak konbinatuz oso animazio iradokitzaileak sortzen dituen proiektua da. Munduko desordenekiko eta geure kontraesanekiko dugun erreakzioari heltzen dio”.
Acción Cultural Españolak (AC/E) eta Fundación Vital Fundazioak babesten dute deialdi hau, eta honako erakunde hauek ere ematen dute laguntza: Fundación BilbaoArte Fundazioa (Euskadi), Angulemako Cité Internationale de la Bande Dessinée et de l'Image delakoaren Maison des Auteurs (Frantzia) eta Zapopango Casa del Autor (Mexiko), baita Gasteizko Udala, Arabako Foru Aldundia, Espainiako Kultura Ministerioa eta Eusko Jaurlaritza ere. Euskal Irudigileak, Euskadiko Ilustratzaileen Elkarte Profesionalak, antolatutako programa bat da Irudika.
