Finlandia

Juliana Hyrri artista bisuala, margolaria, marrazkilaria eta ilustratzailea da. Estonian jaio zen, eta hizkuntzaren eta adierazpenaren arteko elkargunea aztertzen du. Helsinkin Arte Ederrak ikasi ondoren, bere lanak Finlandiako arte garaikideko hainbat museotako bildumetan daude. 2023an, Diziplina Anitzeko Artearen Kontseilu Nazionalaren Estatu Saria jaso zuen, komiki eta ilustrazio garaikideen Finlandiako eszenari egindako ekarpen garrantzitsuagatik.

Marika Maijalak hainbat lan eremu jorratzen ditu: idazketa, ilustrazioa, ikusizko arteak eta animazioa. Gaur egun Harakka uharteko Artisten Etxean lan egiten du, Helsinkin, eta pintura ikasten du Helsinkiko Arte Eskola Librean. Bere praktika artistikoa jolasetik, esperimentaziotik eta saiakera eta erroretik elikatzen da, «egin ezazu zeuk» espirituari jarraituz. Marikaren sormen iturri nagusiak txikitan maite zuen narrazioaren mundua eta beste izaki bizidun eta ez-bizidun batzuekin zituen harremanak dira. Bere lan moldakorrak liburu ilustratuak, arte-liburuak, pinturak, marrazkiak, testuak, animazioak, bideoak, instalazioak eta espazio publikoetarako ilustrazioak biltzen ditu.

Emmi Valve komiki-marrazkilaria eta ilustratzailea da, jatea eta janaria prestatzea gustatzen zaio, eta bere janari gogokoena Ekialdeko Europako albondigak dira, pelmeniak (honen tatuajea bat ere eginda dauka). Taxidermia eta hildako animaliekin jantziak sortzea ere gustatzen zaio. Ezkontzan hildako loro batekin egindako buruko bat eraman zuen eta animalien zatiz betetako poteak ditu sukalde osoan zehar. Umore-sen ikaragarriarekin, familia ugarian eta arazo askorekin hazi izanaren ondorio, bere komikietan irakurri nahiko lituzkeen pertsonaiak sortzen ditu, tamalez ez dira argitaratutako komiki gehienetan agertzen.

Raisa Raekallio, Kittilä (Finlandia) herrikoa, eta Misha del Val, Bilbokoa (Euskal Herria), Laponian bizi diren bi artista dira. Raisak Arte Ederrak ikasi zituen Finlandian eta Mishak Euskal Herrian eta Australian. elkarlanean ari dira margolanak, marrazkiak, performanceko artelanak, zeramika, komisario proiektuak eta podcastak egiten.