Pablo Banizu Nizuke elkarteko eta argitaletxe independenteko zuzendaria da. Elkarte horren bidez, kultura garaikideari eta musikari buruzko liburuen argitalpena kudeatzen du, eta, horrez gain, Bilboko arte-liburuen urteroko azoka bultzatzen du. BALA argitalpen-lanaren ikuspegi artistikoari lotutako edizio-proposamen ez-konbentzionalei eskainitako ekitaldia da. Helburua artisten, fanzinarien, argitaletxeen, liburu-denda espezializatuen eta abarren arteko topagune bat sortzea da.