Komorevi é a sinatura artística da ilustradora e muralista compostelá Eva Agra (Santiago de Compostela, 1990). Estudou fotografía na EASD Mestre Mateo e ilustración na EASD Antonio Faílde de Ourense e durante oito anos traballou en 7H Cooperativa Cultural, entidade de economía social da que foi fundadora.

Froito dese enriquecedor período a súa liña de traballo aséntase nos valores que defende: a igualdade de xénero, a diversidade, a xustiza social, o poder comunitario e o coidado nos procesos creativos. Éstes son os fíos condutores que guían os seus trazos e que se transmiten nas súas obras.

No eido editorial ten ilustrado os cinco libros da colección ‘Mulleres Bravas da Nosa Historia' de Urco Editora e recentemente traballou con Galaxia ilustrando a obra de teatro infantil 'Bonecas' e con Bululú realizando as ilustracións do libro 'Xacarandá'.